தியாகத் திருநாள் வாழ்த்துக்கள்

தியாகத் திருநாள் வாழ்த்துக்கள் (BAKRID)

தியாகத்திருநாள் வாழ்த்துக்கள்! 02-09-2017

நண்பர்கள் தினம் - 01-08-2021
நண்பர்கள் தினமெனவாய் பகிர்ந்தார் நானிலத்தில்!
நண்பரைக் காண்பதும் நலந்தனைக் கேட்பதும்;
அலைபேசியோடு அமிழ்ந்து போக; அச்சுறுத்தல்!
இலைமூடும் கனிபோலே இல்லத்தில் ஆழ்ந்திட்டோம்!
கலைமேவும் கற்பனையாய், தாங்கும் காலச்சுவடுகள்!
அலை ஓய்ந்து மறுபடியும் அடுத்த ஆண்டில் அணைத்திடுவோம்! நினைவுகளோடு அனைவருக்கும் இனிய நண்பர்கள் தின வாழ்த்து!- கவிவளவன்

அன்பின் வழியது உயிர்நிலை;
என்புதோல் போர்த்த உடம்பும் ஓர் நாள்,
இயன்நிலை அழியும்!
மன்றினில் ஆடும் மானிடக்கூத்தும்;
இல்லாது போகும்!
இறையை அறிவீர்! இயன்நிலை தெளிவீர்!!
தியாகம் என்பதே இறையை அறிதல்!
மகமதுநபிக்கு மறையருள் புரிந்த,
இறையின் வழியில் அனைவருக்கும்
" *தியாகத் திருநாள் "* வாழ்த்துக்கள்!

தியாகத்திருநாள் வாழ்த்துக்கள்!

எண்ணிலாக் கனவுகள் இதயம் சுமந்திட,
மண்பதை போற்றும் மரபுகள் காத்து,
நன்னிய நட்புகள், நலம்பட வளர,
இன்னிய உலகில் இயைந்து வாழ,
மன்னிய உறவின் பெருமைகள் தேற,
புண்ணிய மாந்தர் புலர்ந்து எழுந்திட,
கண்ணியமாகத் தியாகத்தின் பொருளை,
அழகுடன் உரைத்தார் அன்னல் நபி வழி! அனைவருக்கும் தியாகத் திருநாள் வாழ்த்து!

- கவிவளவன் -13-09-2016 – 04.20 AM

*தியாகத் திருநாள் வாழ்த்து!*
வாழ்வியலின் அறம் சொல்லி,
வகைவகையாய் வகுத்துச் சொல்லி,
அருளாளர் தம் வழியே,
இறைவன் காட்டிய இன்னொரு நெறியே,
*தியாகத்திருநாள்!*
இஸ்லாமான நண்பர்கள் அனைவருக்கும்
*தியாகத் திருநாள் வாழ்த்துக்கள்!*
10-07-2022

மானுடமே உயர்வு என்று;
மானிடரே சொல்லி வைத்து,
மற்றவையும் தமதென்று,
மனங்கொண்டு வாழ்ந்திருக்க;
மண்ணில் நிறைவுயிர் யாவும்,
மருவிலா இறைவன் மட்சியென,
மானுடமே உணர்ந்து கொள்ள,
மறையாக நபிவழியே ஈந்தான்!
அனைவருக்கும், *தியாகத்திருநாள் வாழ்த்துக்கள்*

தியாகத்திருநாள் வாழ்த்துக்கள்!
நன்மையும் தீமையும் இறைவன் வைத்தது!
தன்னை உணரானைத் தன்னிலை அறியானை,
தன்னிலைக் கண்டு நன்னிலை அடைய,
மன்னக மாந்தர்க்கு இறையவன் அளித்த,
மன்னிய விழாவாம் தியாகத் திருநாள்
இன்றைய நாளில் நிறைந்தது கண்டோம்!
அன்னவன் இறையருள் அனைவரும் அடைக!
அனைவருக்கும் தியாகத் திருநாள் வாழ்த்துக்கள்!!அன்புடன்,கவிவளவன் (01-08-2020)