தீபாவளித் திருநாள் வாழ்த்துக்கள்

தீபாவளி வாழ்த்துக்கள்! 17-10-2017                  

தீமைகள் அகன்ற தீதறு நாளாம் இன்று!
பூமழை தூவும் புரட்டாசி கழிந்த ஐப்பசி,
மாமழை கொட்டி மருட்டும் தேய்பிறை சதுர்த்தசி,
தேமதுர தமிழர்க்கு ஒளியும் ஒலியுமாய் தீபாவளி !
அமிழ்தனைய தமிழ்மரபே ஈசனுக்கு ஏற்றும் தீபம்!
நேமமாய்க் கொண்டார் வடவர்; அமாவாசை யன்று!
நாமிடுவோம் கார்த்திகையில் சொக்கப்பனை யுடன் ஈசனுக்கே!
அனைவருக்கும் இனிய தீபாவளி நல்வாழ்த்துக்கள்!

தீபாவளி வாழ்த்துக்கள்! - 26-10-2019

தீதறு நாளாம் இன்று,
தீமைகள் அகன்று போகும்!
பேதமை இல்லா நிலையை;
பேணிக் காத்தல் வேண்டும்!
ஆதவன் ஒளிரும் முன்னே,
அகல்களின் வெளிச்சம் ஏக,
மோதுமே ஒலியும், ஒளியும்;
முகிழுமே மகிழ்ச்சி தானே!

மின்னிடும் புத்தாடை யோடு,
தேன்சுவைப் பலகாரங்கள்!
மன்னிய கதைகள் வேண்டாம்!
மருவிலா உண்மை கொள்வோம்!
நன்னியக் குளிரை நீக்கும்,
நலமுடன் ஆடை சேர்க்கும்!
இன்னிய உறவு யாவும்,
இனிமையாய் அணைந்து கொள்ளும்!

அனைவருக்கும் இனிய தீபாவளி வாழ்த்துக்கள்!